2020年，是十分難熬的一年，
多謝厲害了我的國，今年一開始就黎左個世紀疫症武漢肺炎，
原本打算平平淡淡咁係間公司一世，
結果逼住自己提早去接受現實，
原來你就算幾勤力都好，你只係一個員工編號，
佢不停提醒我，係呀，你係廉價勞工呀，
係呀，我俾個侮辱嘅價錢你，
你做就做，唔做就唔好做，
身邊嘅人離開就離開，
被炒嘅就被炒，留得低嘅，士氣好低落，
不過唔緊要，我成日都信好多菇都周身刀，
咁就迫使我，進行左一個從來冇諗過做嘅任務。
我唔知我會唔會成功，但係我最少我試過。
今年空白嘅時間有好多，
好俾我沉澱一下，
今年經歷過身邊人生老病死，
真係直到2020年尾二一日先完，
就算一個人有幾叻，
其實始終都離唔開死亡，
我只希望我身邊既人健康開心就好了，
人就算俾你追求到權力，追求到金錢，
但你唔開心唔健康有咩用？
一個疫情，一個葬禮，看清左好多野，
你會見到有人原來只係得個講字，
你會見到有人會利用關係，
我諗通左好多野，老實講，
做朋友用心的，如果乜都係講金，
連理念都唔同，就算俾你搵到幾多錢，
其實真係九唔搭八，咁就不如算啦，
我都做足我要做既事，我都講過個問題，
如果都仲係覺得自己係okay無問題，
我都唔想帶落2021。
今年有紅事白事，
自己仲做埋老細，我唔係想實現什麼老板夢既人，
只係因為現實我今年支出俾收入大好多，
但我始終要住，始終要食，
所以硬住頭皮都要搏一鋪，
朋友話我都幾成功，講真有苦自己知，
不過我覺得做啲自己鐘意做既手作仔，
教到明星學生，有人黎做訪問，
上左報紙雜誌電視，
見到自己有啲學生仲開左studio，
其實係一件好有成功感既事，
而呢個成功感，我好耐都無試過，
最少我做菇呢咁多年我都搵唔到，
2020年，係大家頂得好辛苦既一年，
不過大家頂埋佢，唔好既野過嫁啦，疫情過嫁啦！
2021年，除咗我自己會係轉變既一年，
我都相信大家會有更好嘅轉變，
大家一齊加油❤️
Bye 2020.
2021年，大家一定要同珍惜既人過得更好喔！
Happy new year.
Search